Tengok dah inih tempat ! stoking, celana pendek, ame sampe semue
berarakan di atas ubin! elu cume gak mau tanggung jawab!
buat elu perempuan mah gak lain ya cume barang
buat kedemenan elu! elu cume ngejogrog di situ sembari nyeropot
semuenye gue lakuin buat elu!
kenape elu gak ngomong ape gitu?
ini kan rume elu, jadi elu kudu dengerin! kalo gue
ngomong ame elu kayak gini di tempat gue, elu bakal minggat
liwat ntu pintu dah!
kenape elu nyengir?
emang ade nyang lucu?
semue nyang elu lakuin ya nyesepin semue cinte ame peratian gue
terus ngeloyor ke lapangan pacuan kude!
ape jagonye ntu kude?
ape nyang gue dapet dari kude nyang gak gue punyain?
empat kaki?
ape elu gak pinter?
ape elu gak lucu?
sekarang bukannye elu nyang belagak penting?
elu betindak kayak gak ade nyang penting!
baek dah, biar gue kasih tau elu, pa'ul, gue itu penting!
elu pikir elu satu-satunye laki di inih kampung?
baek deh, ijinin gue kasi tau elu, ade banyak laki nyang
demenin gue, badan gue, otak gue, ati gue!
banyak orang nanyain gue, “ape nyang elu lakuin
ame orang kayak die? "
ape?
nggak, gue gak mau arak!
gue mau elu nyadarin ape nyang ade ame hubungan kite
sebelon telat!
tengok dah elu masing nyeropot aje!
elu pikir elu tuh jago banget!
elu tau ape nyang kejadian ame elu pas elu nenggak
kebanyakan?
gue mungkin juge tinggal ame tukang kebiri!
enyak gue ude ngingetin gue!
semue orang ngingetin gue!
lihat elu sekarang!
kenape elu gak cobe ngomong?
kenape elu gak cukuran?
elu ude numpahin arak ke belah depan baju elu!
terus ntu cerutu murahan!
elu tau baunye
demen gak?
kayak tai kude!
het-het elu mau kemane?
ke kedai arak deket emperan, ke kedai arak bau!
elu bakal ngejogrog di situ sembari ngemis
ame semue ntu pade belangsak!
kalo elu minggat liwat ntu pintu, gue bakal pegi
keluar ngibing!
gue bakal ketemu laki baru!
gue bakal indehoi!
kalo elu minggat liwat ntu pintu, maka bakal kelar dah besukaan
di antara kite
selame-lamanye!
baek deh, terusin, ngehe!
makdi rabit!
makdi kipe!
MAKDI RODOK!
